AQSh va Eron yadroviy kelishuvga yaqin
Tramp yadroviy bitimga umid bildirdi.
AQSh prezidenti Donald Trampning so‘zlariga ko‘ra, AQSh va Eron o‘rtasida Tehronning yadroviy dasturi yuzasidan inqirozni bartaraf etish bo‘yicha kelishuvga erishish arafasida turibdi. Bu haqda u Qatarda bo‘lib o‘tgan uchrashuv chog‘ida bayonot berdi.
“Eron yadroviy qurol ishlab chiqmaslik bo‘yicha shartlarimizni qabul qilganini bilasiz deb o‘ylayman. Bu gapni do‘st sifatida aytayapman — men ular uchun eng yaxshi natijani xohlayman. Eron buyuk mamlakat, lekin u hech qachon yadroviy qurolga ega bo‘lmasligi kerak. Hammasi shu. 30 sahifalik hujjatlar emas, bir jumla kifoya: “Ular yadroviy qurolga ega bo‘lmaydi” — dedi Tramp.
Uning ta’kidlashicha, AQShdagi ishbilarmon doiralar bilan olib borilayotgan muloqotlar natijasida kelishuvga erishish yaqinlashmoqda.
