Trampning oilaviy biznesi 2 mlrd dollar daromad qildi
Kriptovalyuta prezidentga katta daromad keltirgan.
The New York Times gazetasining xabar berishicha, Donald Tramp prezidentlik lavozimiga qaytgach, uning oilaviy biznesi katta daromadga erishgan. So‘nggi bir oy ichida Trampning kompaniyalari kamida 2 milliard dollar daromad topgan.
Jumladan, $TRUMP kriptovalyutasining ishga tushirilishi kamida 174 million dollar daromad keltirgan. Birlashgan Arab Amirliklarida esa Tramp oilasining yangi kripto-loyihasi Wold Liberty Financial kompaniyasiga 2 milliard dollar sarmoya kiritilgan. Bu kompaniyaning kelgusi yillarda o‘nlab million dollar foyda olishi kutilmoqda.
Shuningdek, Qatarda Tramp brendi ostida 5,5 milliard dollarlik plyajli golf majmuasi va villalar qurilishiga yordam berilgan. Saudiya Arabistonida esa Tramp brendi bilan yangi mehmonxonalar va golf maydonlari qurilishi rejalashtirilmoqda, bu esa oilaga yana millionlab dollar daromad olishga imkon yaratadi.
