Trampning tug‘ilgan kuni dabdabali tarzda nishonlanadi
Unga rekord miqdorda mablag‘ ajratilmoqda.
AQSh prezidenti Donald Trampning 79 yoshga to‘lishi va Amerika armiyasining 250 yilligi munosabati bilan 2025-yil 14-iyun kuni o‘tkaziladigan harbiy paradning umumiy xarajatlari 25 dan 45 million dollargacha yetishi mumkin.
Mazkur yirik paradda AQSh qurolli kuchlarining 6600 nafar askari, 50 ta harbiy samolyot va 150 ta yer usti texnikasi ishtirok etadi. Xabarlarga ko‘ra, paradga qo‘shilgan 20 ga yaqin M1 Abrams tanki va boshqa harbiy texnikalar qatnashadi.
Shuningdek, bu summa faqat asosiy parad xarajatlarini qamrab oladi. Yo‘llarda harbiy texnikalarning harakatidan so‘ng zarur bo‘ladigan tozalash va ta’mirlash ishlari xarajatlari bu hisobga kiritilmagan.
Donald Trampning tug‘ilgan kuni bilan birga AQSh armiyasining tarixiy yubileyini bir kunda nishonlash ko‘plab siyosiy va ijtimoiy muhokamalarga sabab bo‘lishi kutilmoqda.
