Yevrokomissiya TikTok’ni Yevropa qonunlarini buzishda aybladi
Fuqarolar ko‘rayotgan xabarlarining ortida kim turganini bilishga haqli.
Yevrokomissiya TikTok’ni Yevropa Ittifoqining reklama shaffofligi qonunlariga rioya qilmaslikda aybladi. Raqamli masalalar bo‘yicha Yevrokomissar Хенна Вирккуненning so‘zlariga ko‘ra, “fuqarolar ko‘rayotgan xabarlar ortida kim turganini bilishga haqlidir”. Biroq TikTok hanuzgacha reklama e’lonlari bo‘yicha to‘liq va qulay ochiq ma’lumotlar bazasini yaratmagan.
Komissiya ta’kidlashicha, TikTok foydalanuvchilarga ko‘rsatiladigan shaxsiylashtirilgan reklamalarning kim tomonidan moliyalashtirilayotgani va qaysi guruhga qaratilgani haqida ma’lumot bermaydi. Reklama arxivi bo‘yicha qidiruv tizimi esa shunchalik noqulayki, deyarli foydasiz hisoblanadi.
Mazkur holat ayniqsa saylovlar fonida muhim ahamiyat kasb etmoqda. Yevrokomissiya Ruminiyada o‘tgan prezidentlik saylovlaridan so‘ng TikTok’ga nisbatan surishtiruv boshladi. Platforma ultramillatchi nomzod Kelin Jorjeskuga oid videoni siyosiy reklama sifatida belgilamagan. Saylov natijalari Rossiya aralashuvi shubhalari sababli bekor qilingan edi.
TikTok’ga nisbatan boshqa tergovlar ham davom etmoqda. Xususan, Yevropa rasmiylari platformani voyaga yetmagan foydalanuvchilarni zo‘ravonlik kontentidan yetarli darajada himoya qilmagani uchun tanqid qilmoqda. Agar ayblovlar isbotlansa, kompaniyaga katta miqdorda jarimalar solinishi mumkin.
