Rossiya Qirg‘izistonda AES qurmoqchi
Loyiha tafsilotlari hozircha ma’lum qilinmagan.
Rossiya Qirg‘izistonda kichik atom elektr stansiyasi (AES) qurishni rejalashtirmoqda. Bu haqda “Rosatom” davlat korporatsiyasi rahbari Aleksey Lixachyov ma’lum qildi.
“Bir necha yil oldin kun tartibiga kirgan masala – bu Qirg‘izistonda kichik AES qurish loyihasi. Biz hamkorlarimizga o‘zimizning an’anaviy mahsulotimizni taklif etdik. Bu mahsulot asosida O‘zbekiston bilan allaqachon shartnomalar imzolangan, Myanma bilan muzokaralar olib borilmoqda va Yakutiyada ham shunday stansiya qurilmoqda,” — dedi Lixachyov.
Loyiha tafsilotlari hozircha ma’lum qilinmagan bo‘lsa-da, Rossiyaning mintaqadagi energiya sohasidagi faolligi ortib borayotgani kuzatilmoqda.
