Starbucks xodimlari kiyim kodi sabab ish tashladi
Xodimlar mehnat sharoitlari yomonlashayotganini ta’kidlashmoqda.
AQShda 2000 dan ortiq Starbucks xodimlari kompaniyaning yangi kiyim qoidalariga norozilik bildirib, ishlashdan bosh tortdi. Ish tashlash 120 ta filialda bo‘lib o‘tdi. Ularda xodimlar mehnat sharoitlari yomonlashayotganini ta’kidlashmoqda.
Yangi qoidaga ko‘ra, AQSh va Kanadadagi baristalar korporativ yashil fartuk ostida qora futbolka yoki ko‘ylak, qora, ko‘k yoki xaki jinsi shim kiyishlari shart. Xodimlar bu cheklovlarni noqulay va keraksiz deb hisoblashmoqda.
“Starbucks kiyim ranglariga e’tibor qaratmoqda, xodimlarni esa eshitmayapti,” — dedi Hannoverdagi smena menejeri Peyj Summers. “Mijozlar 30 daqiqa latte kutayotgan bir paytda, kiyimimiz rangi unchalik ahamiyatli emas.” Starbucks rahbariyati hali bu borada ommaviy izoh bermagan.
