Yevropa davlatlari raqamli xavfsizlikni kuchaytirmoqda
Ayrim davlatlarda ijtimoiy tarmoqlarda yosh tekshiruvi joriy qilinadi.
Yevropaning yetakchi uch davlati — Fransiya, Ispaniya va Gretsiya ijtimoiy tarmoqlardan foydalanishda majburiy yosh cheklovlarini joriy etish ustida ishlamoqda.
Manbaga ko‘ra, bu tashabbus mamlakatlarning raqamli ishlari bo‘yicha vazirlari o‘rtasidagi faol hamkorlik natijasidir. Ular 6-iyun kuni Yevropa Ittifoqiga a’zo boshqa davlatlar vakillari bilan bo‘ladigan muhim uchrashuv oldidan o‘z pozitsiyalarini muvofiqlashtirishga kirishgan.
Yangi tartiblarga ko‘ra, internetga ulanadigan har qanday qurilma foydalanuvchi yoshini tekshiruvchi maxsus tizim bilan jihozlanishi kerak bo‘ladi. Bu esa har bir foydalanuvchidan shaxsiy ma’lumotlarni taqdim etishni talab qiladi.
Tashabbus bolalar va o‘smirlarni raqamli xavflardan himoya qilishga qaratilgan bo‘lib, Yevropa Ittifoqida keng qamrovli raqamli xavfsizlik siyosati doirasida muhim qadam sifatida baholanmoqda. Shu bilan birga, ushbu choralar maxfiylik, axborot erkinligi va texnologik kompaniyalar uchun texnik jihatdan murakkab vazifalarni yuzaga keltirishi mumkin.
