Dam olish kunlari Yerda magnit bo‘ronlar kutilmoqda
Quyosh shamoli tezlashmoqda.
Dam olish kunlari quyoshdagi yirik toj teshigi tufayli Yerda geomagnit beqarorlik va magnit bo‘ronlar kuzatilishi mumkin. Bu haqda Rossiya Fanlar akademiyasi Kosmik tadqiqotlar instituti hamda Sibir bo‘limi Quyosh-Yer fizikasi instituti xabar bermoqda.
Mutaxassislarning ta’kidlashicha, shanba va yakshanba kunlari Quyosh shamoli tezligi keskin oshadi, bu esa geomagnit muhitda sezilarli o‘zgarishlarga olib keladi.
Taxminan 30–40 foiz ehtimol bilan magnit bo‘ronlar kuzatiladi. Quyosh shamoli tezligi hozirgi 400 km/soatdan 600–700 km/soatgacha ko‘tarilishi mumkin. Bunday holat 5 ballik G-shkala bo‘yicha G1–G2 darajadagi bo‘ronlarni, ayrim sharoitlarda esa G3 darajasigacha kuchaygan magnit bo‘ronlarni keltirib chiqarishi mumkin.
Shuningdek, geomagnit beqarorlik holati 4–5 kun davom etishi mumkinligi ta’kidlanmoqda.
