Turkiyadagi yong‘in bo‘yicha tergov ishlari tugatildi
Ayrim ayblanuvchilarga 2000 yilgacha qamoq jazosi so‘raldi.
Turkiyaning Bolu viloyatida joylashgan Kartalkaya tog‘-chang‘i kurortidagi mehmonxonada sodir bo‘lgan yong‘in bo‘yicha olib borilgan tergov ishlari nihoyasiga yetib, prokuratura ayblov xulosasini tayyorladi. Unda hodisaga aloqador 13 nafar shaxsga 70 dan ortiq jinoyat moddasi bo‘yicha ayblov ilgari surilgan bo‘lib, ba’zi ayblanuvchilar uchun 1998 yilgacha ozodlikdan mahrum etish jazosi so‘ralmoqda.
Ayblanuvchilar safida mehmonxona egalari, boshqaruv kengashi a’zolari, menejerlar, xizmat ko‘rsatuvchi xodimlar, shuningdek Bolu viloyat hokimiyatining ob’ektda tekshiruv va litsenziyalash uchun mas’ul bo‘lgan ayrim mansabdor shaxslari ham bor. Ular ehtiyotsizlik va xavfsizlik choralariga rioya qilmaganlikda ayblanmoqda. Hodisa natijasida insonlar hayotiga zomin bo‘lgan yoki ularning sog‘lig‘iga jiddiy zarar yetkazilgan.
Shuningdek, yana 22 nafar shaxsga har biri uchun 22,5 yilgacha qamoq jazosi talab qilinmoqda.
