Britaniyada “Garri Potter” shaharchasi qurilmoqda
Yangi “Garri Potter” filmini suratga olish uchun milliard funtlik mini-shahar quriladi.
Buyuk Britaniyada afsonaviy “Garri Potter” dunyosini jonlantirish uchun mislsiz loyiha amalga oshirilmoqda. Warner Bros studiyasi yangi serialni suratga olish maqsadida Xatfordshirdagi Livsden kinostudiyasi hududida maxsus mini-shaharcha barpo etmoqda. Loyiha qiymati 1 milliard funt sterlingni (taxminan 1,25 milliard AQSh dollari) tashkil etadi.
Yangi shaharchada mashhur Yew ko‘chasi qayta tiklanadi. Bundan tashqari, suratga olish jarayonlari uchun barcha shart-sharoitlar yaratiladi: aktyorlar maktabi, tibbiy markaz, hayvonlar uchun joylar, yo‘llar va to‘xtash joylari quriladi.
Ma'lumotlarga ko‘ra, bu maskan nafaqat suratga olish maydoni, balki aktyorlar va butun jamoa uchun kerakli barcha infratuzilmalarga ega “kichik metropol” vazifasini bajaradi.
E’tiborga molik jihat — Vernon va Petunya Durslining mashhur uyi bu gal klassik ko‘rinishda emas, balki psevdotudor uslubida bo‘ladi.
HBO telekanalida namoyish etilishi rejalashtirilgan yangi “Garri Potter” seriali 2026-yilda tomoshabinlar e’tiboriga havola etiladi. Serialda Janet Maktir, Paapa Esseidu, Jon Litgou, Nik Frost, Pol Uaytxaus va Lyuk Tallon kabi yulduzlar ishtirok etadi.
