Tramp Ukraina bo‘yicha keskin bayonotlar bilan chiqdi
Agar Ukraina bo‘yicha siljish bo‘lmasa, AQSh mojaroni tartibga solishni Yevropaga topshiradi.
AQSh prezidenti Donald Tramp Ukrainaning hozirgi holati va mojaro bo‘yicha bir qator keskin bayonotlar bilan chiqdi. Uning ta’kidlashicha, agar yaqin orada Ukraina masalasida sezilarli siljish bo‘lmasa, AQSh ushbu mojaroni tartibga solishdagi asosiy rolni Yevropaga topshirishi mumkin.
Trampning aytishicha, bu mojaro avvaldan Yevropaning muammosi bo‘lib qolishi kerak edi va Qo‘shma Shtatlar unga aralashmasligi lozim edi. Biroq u shunday holatga tushganidan so‘ng, endilikda tinch yo‘l bilan yechim topish ustuvor vazifa bo‘lishi kerakligini ta’kidladi.
- Trampning asosiy bayonotlari quyidagicha:
- Ukraina urushi AQShning urushi emas, u faqat tinchlikka erishishda vositachi bo‘lishga harakat qilmoqda;
- Ukraina bilan muloqot qilish qiyin bo‘lishiga qaramay, qurol yetkazib berishni kuchaytirish imkoniyati ko‘rib chiqilmoqda;
- Tramp Rossiyaga qarshi sanksiyalarni kuchaytirmayotganini tinchlik imkoniyatlariga ishonishi bilan izohladi;
- Unga ko‘ra, Putin ham mojarodan charchagan va urushni to‘xtatishni xohlamoqda;
- Trampning fikricha, AQSh allaqachon boshqa davlatlarga nisbatan rekord darajada yordam ko‘rsatgan;
- Har qanday holatda ham AQSh askarlari Ukrainaga yuborilmaydi;
- Yaqin 2–4 hafta ichida Ukrainaning urushni to‘xtatish yo‘lidagi harakatlari baholanadi;
- Vatikanning muzokaralarda ishtirok etishi AQShning jarayondan chiqishini anglatmaydi;
U, shuningdek, bosim nuqtasiga yetilgani haqida gapirib, “qizil chiziq” mavjudligini aytib o‘tdi, biroq uning aniq mazmunini ochiqlamadi.
