AQSh raketaga qarshi yangi mudofaa tizimini yaratadi
Tizim uch yil ichida tayyor bo‘lishi rejalashtirilgan.
AQSh prezidenti Donald Tramp mamlakat yangi avlod “Oltin gumbaz” raketaga qarshi mudofaa tizimi arxitekturasi tanlangani haqida e’lon qildi. Tizim uch yil ichida tayyor bo‘lishi rejalashtirilgan. Dastur umumiy qiymati kamida 175 milliard dollarni tashkil qiladi.
Donald Trampning aytishicha, yangi “Oltin gumbaz” tizimi har tomondan hujumlarga qarshi himoya qilishga mo‘ljallangan. U istalgan turdagi raketalarni tutib qoluvchi vositalarni ham o‘z ichiga oladi. “Oltin gumbaz” gipertovushli raketalardan 100 foiz himoya qila oladi. “Bunday texnologiya faqat AQShda bor”, — deydi Tramp.
AQSh mudofaa vaziri Pit Hegset esa bu tizim sobiq prezident Ronald Reyganning “Yulduzli urushlar” tashabbusining mantiqiy davomi ekanini ta’kidladi. Uning aytishicha, “Oltin gumbaz” amerikaliklarni uzoq muddatda ballistik, qanotli va gipertovushli raketalardan himoya qiladi. Kanda ham ushbu dasturga qo‘shilish istagini bildirgan.
