Hindistonda ayol 25 marta turmush qurdi
U turmush o'rtoqlarining mol-mulkini talon-taroj qilgan.
Hindistonning Rajastan shtati politsiyasi 23 yoshli Anuradha Pasvanni ismli ayolni hibsga oldi. U atigi yetti oy ichida mamlakatning turli shtatlarida 25 erkakka turmushga chiqib, ularni mol-mulkidan mahrum qilganlikda ayblanmoqda.
Ma'lumotlarga ko‘ra, Pasvanni 19-may kuni Bhopal shahrida hibsga olingan. U to‘ydan ko‘p o‘tmay turmush o‘rtog‘i va uning oilasining qimmatbaho buyumlarini o‘g‘irlab g‘oyib bo‘lishga qaratilgan murakkab firibgarlik sxemasini yaratishda ayblanmoqda.
Tergovchilarning ma’lum qilishicha, u har bir nikoh uchun soxta hujjatlardan foydalangan. Har bir holatda u turmush o‘rtog‘i bilan bir necha kun yashab, keyin esa kechasi oltin zargarlik buyumlari, naqd pul va elektron qurilmalarni olib g'oyib bo'lardi.
3-may kuni jabrlanganlardan biri uning ustidan politsiyaga murojaat qilgan va firibgar fosh bo‘lgan.
Ma’lumotlarga ko‘ra, bu Hindistonda birinchi bunday holat emas. 2023-yil iyul oyida yana bir ayol 27 nafar erkakka turmushga chiqib, ulardan katta miqdorda pul va mol-mulk o‘g‘irlab hibsga olingan edi. Ushbu firibgar ayollar yolg‘iz emas, ular bilan birgalikda harakat qiluvchi sheriklar mavjud bo‘lib, ular "kelin" uchun munosib kuyovlar izlashgan va to‘y marosimini uyushtirishgan.
Kuyovlar ishonchiga kirgach, yangi kelin bir necha kundan so‘ng har xil bahonalar, jumladan, kasalxonaga borish kabi sabablar bilan uyidan chiqib ketib, g'oyib bo'lishadi.
