Liverpulda avtomobil olomonni bosib ketdi
Oqibatda 47 kishi jarohatlangan.
2025-yil 26-may kuni Angliyaning Liverpul shahrida “Liverpul” futbol klubining Premer-liga g‘alabasini nishonlash chog‘ida fojiali hodisa yuz berdi. Water Street ko‘chasida 53 yoshli erkak avtomobilni olomon ustiga haydagan.
Rasmiy ma’lumotlarga ko‘ra, hodisa oqibatida 47 kishi jarohat olgan, ulardan 27 nafari kasalxonaga yotqizilgan, ikki nafarining ahvoli og‘ir. Guvohlarning so'zlariga ko'ra, haydovchi odamlar bilan tortishgach, mashinani olomonga haydaganini bildirgan. Politsiya haydovchini qo‘lga olgan va hodisa terrorchilik harakati emasligini ma’lum qilgan.
“Liverpul” klubi bayramdagi bu fojiani qoralab, jabrlanganlarga yordam ko‘rsatishni va tergovga hamkorlik qilishini bildirgan. Hodisa bo‘yicha tergov davom etmoqda.
