Turkiyaning milliy yadroviy suv osti kemasi dasturi boshlandi
Unga NÜKDEN nomi berildi.
Turkiya o‘zining ilk milliy yadroviy suv osti kemasi loyihasini rasman yo‘lga qo‘ydi. Mazkur loyiha endilikda NÜKDEN (Nükleer Denizaltı – "Yadroviy Suvosti") deb nomlanadi.
Bu loyiha Turkiyaning harbiy sanoat sohasidagi muhim bosqichlaridan biri hisoblanib, mamlakatning strategik himoya salohiyatini mustahkamlash, uzoq masofali dengiz missiyalarini mustaqil bajarish imkoniyatini oshiradi. Yadroviy suv osti kemasi loyihasi, shuningdek, Turkiyaning o‘z texnologiyalariga tayanib global kuchlar qatoridan joy olish yo‘lidagi qadamidir.
Rasmiy manbalarga ko‘ra, loyiha doirasida milliy yadroviy dvigatel, zamonaviy navigatsiya tizimlari, uzoq muddatli suzish imkoniyatiga ega platformalar ishlab chiqiladi. Dastur ustida Turkiya Mudofaa sanoati boshqarmasi, harbiy-dengiz kuchlari va yirik ilmiy-tadqiqot muassasalari hamkorlikda ishlamoqda.
