NATO Afg‘onistonga qaytishga tayyorlanmoqda
Bu haqida Rossiya Tashqi ishlar vaziri ma'lum qilgan.
Rossiya Tashqi ishlar vaziri Sergey Lavrovning so‘zlariga ko‘ra, NATO kuchlari yaqinda Afg‘onistonga qaytish rejasini tuzmoqda. Bu haqda Afg‘onistonning Tolo News axborot agentligi xabar berdi.
Lavrov NATO harbiylari Afg‘onistondagi vaziyatni diqqat bilan kuzatib borayotgani va zarurat tug‘ilganda yana mamlakatga kirishga tayyor ekanligini ta’kidlagan. U bu qarorni Afg‘onistonda xavfsizlik va siyosiy barqarorlik masalalari bilan bog‘ladi.
Mazkur bayonot mintaqada keskinlikning oshishi va xalqaro hamjamiyat tomonidan e’tibor qaratilayotgan davrga to‘g‘ri kelmoqda. Afg‘onistondagi vaziyat hamon murakkab va noaniq bo‘lib qolmoqda.
