AQShda axlat qutisidan 50 ming dollarlik rasm topildi
Asar 2021-yilda galereyadan o‘g‘irlab ketilgan.
AQSh politsiyasi taniqli kanadalik rassom Jan-Pol Riopelga tegishli, 2021-yilda Edmontondagi galereyadan o‘g‘irlangan asarni topib oldi. “Nomsiz, akvarel va qog‘ozdagi siyoh” nomli bu rasm o‘g‘rilar tomonidan boshqa bir nechta san’at asarlari bilan birga eshikni sindirish yo‘li bilan o‘g‘irlangan edi. Politsiya u vaqtda o‘g‘rilarni aniqlay olmagan va tergov yopilgan edi.
To‘rt yil o‘tib, Nyu-Yorkdagi bir kishi ushbu asarni kim oshdi savdosiga qo‘yishga harakat qilganida, u aslida axlat qutisidan topilganini va yillar davomida shkafda saqlab kelganini ma’lum qildi.
Hozirda rasmni saqlab kelgan kishi politsiya hisobotini o‘rganib chiqib, uni sug‘urta kompaniyasiga qaytarishga rozilik bildirdi.
Asarning narxi 2022-yilda 50 690 – 57 932 dollar miqdorida baholangan.
Bu hodisa san’at olamida noyob holatlardan biri bo‘lib, yo‘qolgan asarlarning kutilmagan tarzda topilishi mumkinligini yana bir bor isbotladi.
