“Kalamar o‘yini” 3-mavsum treyleri taqdim etildi
3-mavsumda 456-o‘yinchining qismati hal bo‘ladi.
Netflix striming platformasi Janubiy Koreyaning dunyo bo‘ylab mashhurlikka erishgan “Kalamar o‘yini” serialining uchinchi mavsumi uchun rasmiy treylerni e’lon qildi.
Treylerga ko‘ra, yangi mavsum 2025-yil 27-iyun kuni namoyish etilishi rejalashtirilgan. Mazkur mavsum serialning yakuniy qismi sifatida e’tirof etilmoqda.
Avvalgi mavsumlar global muvaffaqiyatga erishib, 93 mamlakatda reytinglarning 1-o‘rniga chiqishga muvaffaq bo‘lgan edi. Serial ijodkorlari uchinchi mavsumda ham shiddatli syujet, psixologik drama va hayratlanarli burilishlar davom etishini va’da qilmoqda.
Uchinchi mavsumda asosiy qahramon – 456-o‘yinchi (Seong Gi-hun)ning shaxsiy hikoyasi yakuniga yetadi. Tomoshabinlar uni halokatli o‘yin ortidagi kuchlarga qarshi qanday kurashayotgani va bu safar g‘alaba qozona oladimi, yo‘qmi, bilib olishadi. Serial oxir-oqibat kim g‘olib, kim qurbon bo‘lishini ochib beradi.
