Bill Geyts Afrikaga milliardlab dollar sarmoya kiritadi
Geyts jamg‘armasi 2045 yilgacha Afrika uchun 200 milliard dollar ajratadi.
Microsoft asoschisi va xayriyachi Bill Geyts yaqin 20 yil ichida o‘z boyligining asosiy qismini Afrikadagi muammolarni hal etishga yo‘naltirishini ma’lum qildi. Bu haqda u Afrika Ittifoqining shtab-kvartirasida qilgan chiqishi davomida ma'lum qilgan.
“Men yaqinda boyligim qanday taqsimlanishini rejalashtirdim. Asosiy e’tibor Afrikadagi sog‘liqni saqlash, ta’lim va oziq-ovqat xavfsizligi kabi dolzarb muammolarga qaratiladi. Ushbu mablag‘lar Bill va Melinda Geyts jamg‘armasi orqali yo‘naltiriladi,” — dedi Geyts.
Uning so‘zlariga ko‘ra, jamg‘arma 2045-yilgacha turli loyihalar uchun 200 milliard dollar ajratadi.
Eslatib o‘tamiz, Bill Geytsning hozirgi shaxsiy boyligi 175 milliard dollarga baholanmoqda.
