Qirg‘iziston sobiq prezidenti sirtdan 11,5 yilga qamaldi
U uchta jinoyat ishi bo‘yicha aybdor deb topildi.
Qirg‘iziston sudi mamlakatning sobiq prezidenti Almazbek Atambaevni sirtdan 11,5 yilga ozodlikdan mahrum qilishga hukm qildi. U uchta jinoyat ishi bo‘yicha — noqonuniy boylik orttirish, yer uchastkalarini egallab olish va 2019 yilda Qoy-Tosh qishlog‘ida yuz bergan ommaviy tartibsizliklarni uyushtirishda aybdor deb topildi. Sud qaroriga ko‘ra, Atambaevning mol-mulki musodara qilinadi.
Shuningdek, sud qaroriga asosan, Atambaev va sobiq bosh vazir o‘rinbosari Asqarbek Shodiev davlatga 5,4 milliard so'm (taxminan 60 million AQSh dollari) to‘lashi kerak. Shodievning o‘zi ham mol-mulki musodara qilinib, 15,5 yilga ozodlikdan mahrum etildi. U jazoni o‘tab bo‘lgach, yana uch yil davomida davlat lavozimlarida ishlash huquqidan mahrum etiladi.
