Tayvanlik bloger kosmetika iste’mol qilib vafot etdi
O'limga kimyoviy zaharlanish sabab bo'lgan.
Ijtimoiy tarmoqlarda “Guava Beauty” nomi bilan tanilgan 24 yoshli blogger o‘zining kameralar oldida kosmetik mahsulotlarni iste’mol qilishi bilan mashhur edi. Afsuski, uning xavfli va noodatiy harakatlari fojiali yakun topdi — blogger vafot etdi.
Marhuma har kuni o‘z sahifasida lab bo‘yog‘i, sovg‘a qutilari va hatto paxta disklarini iste’mol qilgan holda jonli efirlar olib borgan. U bunday kontent orqali ko‘proq tomoshabin yig‘ishni maqsad qilgan. Biroq ko‘plab izlovchilar uni bu xavfli odatdan voz kechishga chaqirishgan va kosmetik mahsulotlar tarkibida inson hayoti uchun zararli moddalarning mavjudligi haqida bir necha bor ogohlantirishgan.
Afsuski, bu ogohlantirishlar samara bermadi. Keyinchalik bloggerning sahifasida uning vafot etgani haqida ma’lumot paydo bo‘ldi. Uning oilasi ham bu xabarni rasman tasdiqladi. Hozircha bloggerning o‘limiga aniq nima sabab bo‘lgani aytilmagan bo‘lsa-da, tomoshabinlar kimyoviy zaharlanishni asosiy taxmin sifatida ko‘rishmoqda.
Ushbu voqea Tayvanda va butun ijtimoiy tarmoqlar olamida katta rezonansga sabab bo‘ldi. Mutaxassislar bu hodisani “mukbang” va ekstremal kontentlar ortidan keladigan xavflarning yana bir ogohlantiruvchi misoli sifatida ko‘rishmoqda. Shu sababli, mutasaddilar blogerlar va ijtimoiy tarmoq foydalanuvchilarini sog‘liq va xavfsizlikni birinchi o‘ringa qo‘yishga chaqirmoqda.
