Yaponiyada barchaga mos keluvchi sun’iy qon yaratildi
Qon xona haroratida ikki yilgacha saqlanishi mumkin.
Yaponiyada olimlar inson hayotini saqlab qolishda inqilobiy yondashuv namoyon etib, har qanday qon guruhi uchun mos keluvchi sun’iy qon ishlab chiqishga muvaffaq bo‘lishdi.
Sun’iy qon muddati o‘tgan donor qonidan olingan gemoglobin asosida tayyorlangan. U viruslardan xoli, chunki gemoglobin maxsus himoya qobig‘i bilan o‘ralgan va antigenlardan xoli, bu esa uni istalgan bemorga quyish imkonini beradi.
Klinik sinovlar 2022 yilda boshlangan bo‘lib, hozirgacha hech qanday nojo‘ya ta’sir qayd etilmagan.
Sun’iy qonning yana bir ustunligi – xona haroratida ikki yilgacha saqlanishi mumkin, bu esa uni favqulodda holatlarda qo‘llash uchun ayni muddao qiladi.
2030 yilga kelib, ushbu sun’iy qonning ommaviy ishlab chiqarilishi va tibbiyot amaliyotida qo‘llanilishi kutilmoqda.
Bu kashfiyot – shoshilinch operatsiyalar, falokatlar davridagi qon tanqisligi va noyob qon guruhlari muammosini hal etishda katta imkoniyatlar ochadi.
