Yo‘qolgan Vizantiya shahri topildi
Bu shahar uzoq yillar davomida sir bo‘lib qolgan edi.
Arxeologlar Iordaniya cho‘lida qadimiy Madaba mozaik xaritasida ko‘rsatilgan, VI asrga oid Vizantiya davridagi Tarais shahrining qoldiqlarini topishdi. Bu shahar uzoq yillar davomida sir bo‘lib qolgan edi.
Tarais hozirgi El-Iroq yaqinida joylashgan bo‘lib, qazishmalar chog‘ida Vizantiya davriga oid sopol idishlar, me’moriy qoldiqlar, mozaikalar va sanoat inshootlari topildi. U yerda nasroniylar jamoasi yashagani epitaflar orqali tasdiqlandi.
Shahar Rim davridagi asosiy yo‘llar chorrahasida joylashgan bo‘lib, diniy va savdo markazi bo‘lgan. Olimlar topilmalarni qadimiy xaritadagi tasvirlarga to‘liq mos kelishini alohida ta’kidlamoqda.
