Afg‘oniston suv inqiroziga yuz tutmoqda

 

Afg‘oniston poytaxti Kobul jadal urbanizatsiya va iqlim o‘zgarishi oqibatida ichimlik suvi tanqisligi bo‘yicha jiddiy inqiroz yoqasiga kelib qoldi. Ma'lum qilinishicha, Kobul yaqin orada suv zaxiralari tugaydigan ilk zamonaviy shahar bo‘lishi mumkin.

 

So‘nggi o‘n yil ichida shaharning yerosti suvlari sathi 30 metrga pasaygan. Bu holat Kobuldagi quduqlarning yarmidan ko‘pining qurib qolishiga olib kelgan. Shahar aholisi soni 7 milliondan oshgan bir paytda suv ta'minotidagi bu kabi muammolar jiddiy ekologik va gumanitar xavf tug‘dirmoqda.

 

Tadqiqotlarga ko‘ra, hozirgi vaqtda suv olinadigan hajm yerosti suvlarining tabiiy yo‘l bilan to‘ldirilish sur’atidan ancha yuqori. Mercy Corps tashkilotining Afg‘oniston bo‘limi rahbari Deyn Karri bu inqirozga zudlik bilan xalqaro e’tibor qaratilishini ta’kidlab, aks holda Afg‘onistonda migratsiya kuchayishi va aholining hayoti yanada og‘irlashishini aytgan.