Britaniya Kengashi 60 mamlakatda ishini to‘xtatishi mumkin
Bunga sabab byudjetning qisqarishi.
Byudjet qisqarishi sababli British Council dunyo bo‘ylab 60 mamlakatdagi faoliyatini to‘xtatishga majbur bo‘lishi mumkin. Vazirlar Mahkamasi xarajatlarni kamaytirish bo‘yicha bergan taklifi tufayli kengash ko‘plab hududlardagi ofislarini yopishga to‘g‘ri kelishini bildirgan. Bu holat tashkilotning xalqaro ta’siriga salbiy ta’sir ko‘rsatishi mumkin.
Kengash rahbari Skott Makdonald moliyaviy bosim ortib borayotganini aytib, bu tashkilot keyingi o‘n yil ichida umuman yo‘qolib ketishiga olib kelishi mumkinligini ta’kidladi. Tejalgan mablag‘lar esa, nashrga ko‘ra, harbiy maqsadlarga yo‘naltiriladi.
Rossiya FSBsi avvalroq kengashni Britaniya razvedka xizmatlarining faoliyatida, xususan, mustaqil davlatlar suverenitetiga putur yetkazishga urinishlarda ishtirok etishda ayblagan.
