Isroil G‘azoga ketayotgan kemani to‘xtatib qoldi
Kemada shvetsiyalik faol Greta Tunberg ham bo'lgan.
Isroil harbiy-dengiz kuchlari shvetsiyalik faol Greta Tunberg ishtirokida bo‘lgan “Madlin” kemasini G‘azo sektoriga yo‘l olgan paytda to‘xtatib, Isroil qirg‘oqlariga yubordi. Bu haqida mamlakat Tashqi ishlar vazirligi ma’lum qildi.
Bayonotga ko‘ra, kemadagi faollar va gumanitar yukga zarar yetkazilmagan holda ushlangan. Yo‘lovchilar deportatsiya qilinishi kutilmoqda, yordam esa rasmiy kanallar orqali G‘azoga jo‘natiladi.
Mazkur harakat Isroilning dengiz blokadasini buzishga qarshi qat’iy siyosati doirasida amalga oshirildi. “Ozodlik flotiliyasi” koalitsiyasi kema xalqaro hujumga uchraganini bildirgan.
