Rossiyada aeroportlarda parvozlar cheklab qo‘yildi
Beshta aeroportda parvozlar vaqtincha to‘xtatildi.
Rossiyaning bir nechta aeroportlarida samolyotlarni qabul qilish va jo‘natishga vaqtincha cheklovlar joriy qilindi. Bu haqda Rosaviatsiya agentligi ma’lum qildi.
Xabarlarga ko‘ra, xavfsizlik nuqtayi nazaridan Ijevsk va Kirov (Pobedilovo) aeroportlarida barcha reyslarga xizmat ko‘rsatish to‘xtatilgan.
Bundan tashqari, Sankt-Peterburgdagi Pulkovo, Nijnekamsk va Qozon aeroportlarida ham ayrim cheklovlar amal qilmoqda.
Shuningdek, agentlik avvalroq cheklov joriy etilgan Saratov aeroportida parvozlar tiklanganini ma’lum qilgan.
