92 yoshli xitoylik ayol internet yulduziga aylandi
U har kuni sport bilan shug‘ullanishi natijasida sochlari yana qoraya boshlagan.
Xitoylik 92 yoshli Li ismli ayol ijtimoiy tarmoqlarda chinakam sensatsiyaga aylandi. U yoshiga qaramay, har kuni professional sportchilarga munosib mashqlarni bajaradi: kuniga 200 ta cho‘zilish va 100 ta surilish (otjimanie) mashqlari bilan shug‘ullanadi.
Yaqinda an’anaviy xitoy tibbiyoti festivalida nutq so‘zlagan Li xonim uzoq umr, intizom va salomatlik sirlarini ommaga oshkor qildi. Biroq uning jismoniy holati, moslashuvchanligi va kundalik mashg‘ulotlari ijtimoiy tarmoqlarda ayniqsa katta e’tibor uyg‘otdi.
“Mashqlarni mukammal texnikada bajaryapmanmi yoki yo‘qmi — menga ahamiyatsiz. Muhimi, har kuni mashq qilaman”, — deydi u.
Li xonim beliga halqa aylantiradi, cho‘zilish mashqlarini bemalol bajaradi va harakatlarini muvofiqlashtirishda yoshi unga mutlaqo halaqit qilmaydi. Qizig‘i shundaki, u mashqlarni sport zalida emas, uyida bajarishni afzal ko‘radi, hatto yomg‘irli ob-havo ham uning rejalarini buzmaydi.
Bundan tashqari, Li har oqshom oyoqlarini issiq suvga solishni kanda qilmaydi. Bu qadimiy xitoy an’analariga asoslangan muolaja qon aylanishi va umumiy salomatlikni qo‘llab-quvvatlaydi.
Li xonimning yana bir e’tiborni tortgan bayonoti shundaki, u jismoniy mashg‘ulotlar tufayli sochlari yana qoraya boshlaganini aytgan. Bu holat internet foydalanuvchilari orasida qizg‘in muhokamalarga sabab bo‘ldi.
92 yoshli ayolning hayoti ko‘plab insonlar uchun ilhom manbaiga aylandi. U o‘z namunasi orqali faol hayot tarzi va sog‘lom odatlar har qanday yoshda foydali ekanini isbotlamoqda.
