Afinada vertolyot dengizga qulab tushdi
Fojia oqibatida halok bo'lganlar yo'q.
Yunoniston poytaxti Afinaning Vulyagmeni kurort hududi yaqinida vertolyot dengizga qulab tushdi. Skai telekanalining xabar berishicha, hodisa vaqtida bortda bo‘lgan besh kishining barchasi tirik qolgan, to‘rt nafar yo‘lovchi yengil tan jarohatlari olgan.
Vertolyot Vulyagmeni ko‘rfazida turgan yaxtadan havoga ko‘tarilganidan so‘ng qisqa fursatda dengizga qulab tushgan. Ma’lum qilinishicha, u Mikonos oroliga yo‘l olgan edi.
Hodisadan so‘ng qutqaruv ishlari darhol boshlangan, shishiriladigan qayiqlar yordamida bortdagilar xavfsiz tarzda suvdan chiqarib olingan. Vertolyotning aniq modeli hozircha e’lon qilinmagan. Avariya yuzasidan tekshiruv ishlarini Vulyagmeni port xizmati olib bormoqda.
