Isroilning uchuvchisiz samolyoti urib tushirildi
Samolyot Eronning Iroq bilan chegaradosh hududida yo‘q qilingan.
Eron havo mudofaa kuchlari Isroilga tegishli, AQShda ishlab chiqarilgan MQ-9 Reaper uchuvchisiz samolyotini urib tushirdi. Bu haqda IRIB — Eron davlat teleradiokompaniyasi xabar berdi.
Ma’lumotlarga ko‘ra, samolyot Eronning Iroq bilan chegaradosh Dehluron shahri ustida aniqlanib, yo‘q qilingan. Voqea Eron havo hududiga kirishga urinish sifatida baholanmoqda.
Rasmiylar samolyotning topshirig‘i va uchirilgan yo‘nalishi haqida hozircha qo‘shimcha ma’lumot berganicha yo‘q. Hodisa mintaqadagi keskinlik fonida sodir bo‘lgan.
