Mo‘g‘ulistonda qizamiq bilan kasallanganlar soni oshmoqda
Mamlakatda qizamiqdan beshta o‘lim holati qayd etilgan.
Mo‘g‘ulistonda qizamiq bilan og‘riganlar soni 4 kun ichida 6836 dan 7717 nafarga yetdi. Bu haqda Yuqumli kasalliklar milliy markazi xabar berdi.
Maktablar tatilga chiqsa ham, kasallik tarqalishi sekinlashgani yo‘q. Hozirda 63 mingdan ortiq fuqaro tibbiy kuzatuv ostida, ular bemorlar bilan bevosita aloqada bo‘lgan.
Shuningdek, iyun oyining o‘rtalariga kelib, mamlakatda qizamiqdan beshta o‘lim holati qayd etilgan.
Qizamiq ilk bor 2025 yil fevral oxirida Ulan-Batordagi xalqaro reyslar orqali kirib kelgan. So‘nggi bor bunday holat 2019 yilda bolalar o‘rtasida qayd etilgan. Garchi Jahon sog‘liqni saqlash tashkiloti Mo‘g‘ulistonni 2016 yilda qizamiqdan xoli davlat deb e’lon qilgan bo‘lsa-da, bu holat kasallik yana jonlanganini ko'rsatmoqda.
