Quyoshda eng kuchli chaqnash qayd etildi
Chaqnash 18 daqiqa davom etgan.
15-iyunga o‘tar kechasi Quyoshda M toifasiga kiruvchi kuchli chaqnash qayd etildi. Amaliy geofizika instituti ma’lumotiga ko‘ra, chaqnash 18 daqiqa davom etgan va Yerga bevosita xavf tug‘dirmagan. Biroq bu iyun oyidagi eng kuchli hodisa sifatida baholanmoqda.
Mutaxassislarning ta’kidlashicha, yaqin ikki kun ichida shunga o‘xshash kuchdagi bir nechta chaqnashlar takrorlanishi mumkin.
Quyosh chaqnashlari nurlanish kuchiga ko‘ra A, B, C, M va X sinflarga bo‘linadi. Ular magnit bo‘ronlarini yuzaga keltirishi, elektr tarmoqlari, radioaloqa va navigatsiya tizimlariga ta’sir o‘tkazishi mumkin. Shuningdek, bunday davrda ob-havoga sezgir insonlar o‘zini noxush his qilishi ehtimol.
