Xitoy elchixonasi Tehrondan evakuatsiya qilinmoqda
Xitoy fuqarolarini Eronni zudlik bilan tark etishga chaqirdi.
Xitoy Xalq Respublikasi Eron poytaxti Tehrondagi elchixonasi xodimlari va ularning oilalarini evakuatsiya qilishni boshladi.
Ma’lumotlarga ko‘ra, Xitoy hukumati Eron atrofida kuchayib borayotgan harbiy-siyosiy tanglik sababli o‘z fuqarolaridan mamlakatni zudlik bilan tark etishni so‘ragan.
Shuningdek, Xitoy Tashqi ishlar vazirligi fuqarolariga Islom Respublikasiga safar qilishdan tiyilishni qat’iyan tavsiya qilgan. Bu ehtiyot chorasi mavjud xavf-xatarlar bilan bog‘liq bo‘lib, Xitoy fuqarolarining xavfsizligini ta’minlashga qaratilgan.
Evakuatsiya fonida Eron va AQSh o‘rtasidagi keskinlik kuchayib borayotgani kuzatilmoqda. Bu holat boshqa xorijiy davlatlar tomonidan ham diplomatik va xavfsizlik choralari ko‘rilishiga olib kelishi mumkin.
