Xitoy yadro qurollarini ko‘paytirishda dunyoda yetakchilik qilmoqda
Xozirda mamlakatda 600 ta jangavor kallak mavjud.
Stokgolm tinchlik institutining (SIPRI) hisobotiga ko‘ra, Xitoy ketma-ket uchinchi yil yadro arsenalini kengaytirishda dunyoda yetakchiga aylangan. 2025-yil boshida mamlakatda 600 ta jangovar kallak mavjud bo‘lib, bu uni AQSH va Rossiyadan keyingi uchinchi o‘ringa olib chiqdi.
So‘nggi yillarda Xitoy har yili 100 dan ortiq yangi yadro kallak qo‘shmoqda. Shuningdek, mamlakat shimoli va sharqidagi cho‘l hududlarida 350 ta qit’alararo raketa shaxtasi qurilgan yoki qurilmoqda.
Boshqa yadroviy davlatlardan farqli o‘laroq, Xitoy tinchlik davrida ham raketalarga jangovar kallaklar joylashtirishni boshlagan. Ekspertlarning fikricha, 2030-yilga kelib Xitoy yadro quroli tashuvchilari soni bo‘yicha AQSH va Rossiyaga yetib olishi mumkin.
SIPRI ekspertlari yadroviy qurollarni kamaytirish jarayoni to‘xtaganini, aksincha, qurollanish va yadroviy ritorika kuchayib borayotganini ta’kidlamoqda.
