AQSh Eronga ehtimoliy zarba berish sanasini ma'lum qildi
Rasmiylar diplomatik yechim uchun imkoniyatlar mavjudligini bildirgan.
AQSh rasmiylari yaqin kunlarda Eronga qarshi ehtimoliy harbiy zarba berishga tayyorlanmoqda. Bu haqda Bloomberg axborot agentligi bilgi manbalariga tayanib xabar berdi.
Manbalarga ko‘ra, harbiy operatsiya 21—22 iyun kunlariga belgilangan, biroq sana vaziyatga qarab o‘zgarishi mumkin.
Xabarda aytilishicha, rejalashtirishda AQShning yirik federal agentliklari rahbarlari ishtirok etgan. Operatsiya tafsilotlari hozircha ommaga oshkor qilinmagan.
Avvalroq AQSh rasmiylari diplomatik yechim uchun imkoniyat hali mavjudligini bildirgan edi. Ularning ta’kidlashicha, agar Tehron muzokaralarga rozi bo‘lsa, hafta ichida AQSh va Eron vakillari o‘rtasida uchrashuv o‘tkazilishi mumkin.
Eslatib o‘tamiz, AQSh prezidenti va boshqa G‘arb davlatlari Eronni uran boyitishni to‘xtatish va “yadro bitimi”ga qaytishga da’vat etib kelmoqda.
