Putin Zelenskiy bilan uchrashishga tayyorligini bildirdi
Rossiya rahbari Ukraina prezidenti bilan muzokaraga ochiqligini bildirdi.
Rossiya prezidenti Vladimir Putin Ukraina prezidenti Vladimir Zelenskiy bilan uchrashuv o'tkazishga tayyorligini bildirdi. Bu haqda u Sankt-Peterburg xalqaro iqtisodiy forumi doirasida xalqaro axborot agentliklari rahbarlari bilan bo‘lgan uchrashuvda bayon qildi, deb xabar beradi RBK manbasi.
Putinning aytishicha, u Zelenskiy bilan uchrashuvni istisno qilmaydi, biroq Kievda bunday uchrashuv yakunlari bo‘yicha bitim imzolash vakolati bor-yo‘qligi masalasida shubhalari borligini ta’kidladi.
“Agar bu uchrashuv shunchaki o'tirish yoki gapni cho‘zish uchun emas, balki muhokamalarga nuqta qo‘yishning yakuniy bosqichi bo‘lsa — u holda mumkin”, — dedi Putin.
Shuningdek, Rossiya rahbari Moskva va Kiyev muzokarachilari o‘rtasidagi aloqalar davom etayotganini ma’lum qildi. Navbatdagi uchrashuv 22-iyundan keyin bo‘lishi mumkin.
Putin, shuningdek, Turkiya prezidenti Rajab Toyyib Erdog‘an va tashqi ishlar vaziri Hakan Fidanning Ukraina bilan muzokaralarda ko‘rsatayotgan vositachilik sa’y-harakatlarini yuqori baholab, minnatdorchilik bildirdi.
