Ukraina rahbari Putin bilan uchrashishga tayyor
Zelenskiy urushni 2029-yilgacha tugatish niyatida ekanini bildirdi.
Ukraina prezidenti Vladimir Zelenskiy Rossiya bilan urush 2029-yilgacha, ya’ni AQSh prezidenti Donald Trampning ikkinchi prezidentlik muddati tugashidan oldin yakunlanishi kerakligini ta’kidladi.
Ma'lum qilinishicha, Zelenskiy bu fikrni o‘zining navbatdagi kechki videomurojaatida bayon qilgan.
“Hech qanday ultimatum bo‘lmasligi kerak. Bizga haqiqiy sulh kerak. Urushni adolatli yakunlash zarur. Ukraina eng yuqori darajadagi muzokaralarga tayyor, bu daraja esa qarorlar qabul qilish bosqichidir. Men Rossiya prezidenti Vladimir Putin bilan ham uchrashishga tayyorman — agar u qarorlar qabul qila oladigan bo‘lsa”, — dedi Zelenskiy.
Ukraina rahbari shuningdek, AQShning hozirgi prezidenti Donald Trampga katta umid bog‘layotganini ham bildirgan.
“Biz urushni Trampning prezidentligi davrida tugatmoqchimiz. Men uning yordami va AQShning global ta’sir kuchiga juda ishonaman. Bizga sanksiyalar, diplomatiya va xavfsizlik kafolatlari kerak”, — deya ta’kidladi u.
Eslatib o‘tamiz, AQShda 47-prezident sifatida qayta saylansa, Donald Trampning ikkinchi muddatidagi prezidentligi 2029-yil 20-yanvarda yakunlanadi.
