Erdog‘an Eron tashqi ishlar vaziri bilan uchrashdi
Turkiya AQSh–Eron o‘rtasidagi muzokaralarda vositachi bo‘lishga tayyor ekanini bildirdi.
Turkiya prezidenti Rajab Toyyib Erdog‘an Istanbulda o‘tkazilgan Islom hamkorlik tashkiloti Tashqi ishlar vazirlari yig‘ilishi doirasida Eron TIV rahbari Abbos Araqchini qabul qildi.
Uchrashuvda Isroil–Eron ziddiyati, mintaqaviy va global muammolar muhokama qilindi. Erdog‘an mintaqa yangi urushga bardosh bera olmasligini aytib, Isroilni hujumlarni to‘xtatishga chaqirdi.
Turkiya prezidenti yadroviy mojaroni faqat muzokaralar yo‘li bilan hal qilish mumkinligini ta’kidladi va Turkiya AQSh–Eron o‘rtasidagi muzokaralarda vositachi bo‘lishga tayyor ekanini bildirdi.
Uchrashuv chog‘ida ikki tomon savdo aloqalarini kengaytirish, energetika sohasida hamkorlikni kuchaytirish va mintaqadagi insonparvarlik inqirozlariga birgalikda javob berish masalalari ham muhokama qilindi.
