Suriyadagi AQSh harbiy bazasiga hujum uyushtirildi
Amerika bazasini kim o'qqa tutgani aniqlanmagan.
Suriyaning shimoli-sharqida joylashgan Xaseka viloyatidagi AQSh harbiy bazasiga hujum uyushtirildi. Bu haqda Eronning Mehr axborot agentligi o‘z manbalariga tayanib xabar berdi.
Hujum tafsilotlari, xususan, zarba bergan tomon yoki guruh nomi hozircha aniqlanmagan. Shuningdek, voqea natijasida talafotlar yoki jabrlanganlar haqida ham rasmiy ma’lumotlar berilmadi.
Ma’lumki, Xaseka hududi AQSh harbiylarining Suriya shimoliy-sharqida joylashgan asosiy tayanch nuqtalaridan biri hisoblanadi. Mintaqada faoliyat yuritayotgan turli guruhlar orasidagi qarama-qarshiliklar fonida AQSh harbiy obyektlariga qarshi hujumlar so‘nggi vaqtlarda tez-tez kuzatilmoqda.
