Ukraina va Buyuk Britaniya qo‘shma dron ishlab chiqarishni boshlaydi
Zelenskiy va Starmer dronlar bo‘yicha qo‘shma loyihada kelishib oldi.
Ukraina prezidenti Vladimir Zelenskiy va Buyuk Britaniya bosh vaziri Kir Starmer o‘rtasida bo‘lib o‘tgan uchrashuvda ikki mamlakat o‘rtasidagi mudofaa sohasidagi hamkorlik va uchuvchisiz uchish apparatlari (UAV) ishlab chiqarish masalalari muhokama qilindi.
Zelenskiyning so‘zlariga ko‘ra, tomonlar dron va uzoq masofali UAVlar ishlab chiqarish bo‘yicha qo‘shma loyiha boshlashga kelishib oldi. Bu esa Ukrainaga barqaror moliyaviy va texnologik yordam olish imkonini beradi.
Buyuk Britaniya bosh vaziri Kir Starmer uchrashuvni mazmunli deb atab, uni “mudofaa hamkorligini chuqurlashtirish yo‘lidagi muhim qadam” deya baholadi.
Zelenskiy mazkur kelishuvni bugungi uchrashuvning samarali natijasi sifatida ta’kidladi.
