Eron AQSHdan tovon puli talab qilmoqda
Hozirda yetkazilgan zarar miqdori hisoblab chiqilmoqda.
Eron AQSHni o‘z hududidagi havo hujumlari natijasida yetkazilgan zararni qoplashga chaqirmoqda. Bu haqida mahalliy nashrlar xabar berdi.
Eron tashqi ishlar vazirligiga ko‘ra, Vashington Eron obyektlariga yetkazilgan zararni qoplashga majbur. Dastlabki hisob-kitoblarga ko‘ra, birgina obyektning o‘zi Eronga 5 milliard dollardan ko‘proq xarajatga tushgan.
Amerikaning bombardimonchi samolyotlari va qanotli raketalari tomonidan Eronning uchta yadroviy obyektiga zarba berilgan.
Mamlakat rasmiylari yaqin orada ushbu masala yuzasidan BMTga shikoyat bilan murojaat qilish niyatida. Ko‘rib chiqilayotgan miqdor hali nomaʼlum.
Yetkazilgan zarar miqdorini baholash ancha qiyin jarayon bo‘lib, bu uzoq vaqt talab qilishi mumkin.
