Eron rahbari yadroviy quroldan voz kechish shartlarini e’lon qildi
Pezeshkian mintaqaviy xavfsizlik bo‘yicha muhim bayonot berdi.
Eron Islom Respublikasi Prezidenti Masud Pezeshkian Misr Arab Respublikasi Prezidenti Abdel Fattoh as-Sisi bilan telefon orqali muloqot o‘tkazdi. Suhbat chog‘ida Eron rahbari Yaqin Sharqda yadro quroli va boshqa ommaviy qirg‘in qurollaridan xoli mintaqani shakllantirish zarurligini ta’kidladi. Bu haqda Eron Prezidentining rasmiy veb-sayti xabar berdi deb yozadi vestikavkaza.ru nashri.
“Eron yadroviy qurol va boshqa ommaviy qirg‘in qurollaridan voz kechishga tayyor, biroq bu jarayonga Isroil ham jalb etilishi shart. Chunki aynan ushbu davlatning so‘nggi yondashuvlari unga nisbatan ishonch uyg‘otmayapti”, — deya ta’kidladi prezident Pezeshkian.
Uning ta’kidlashicha, Tehron o‘z yadroviy dasturidan ham, hatto oddiy qurollanishdan voz kechishga tayyor. Biroq bunday muhim qadamga borish uchun mintaqadagi barcha tomonlar, xususan, Isroilning ham ishtiroki va sodiqligi ta’minlanishi lozim.
Eslatib o‘tamiz, avvalroq AQSh prezidenti Donald Tramp Oq uy Eron yadroviy dasturi bo‘yicha yangi muzokaralar bosqichiga umid bildirmoqda, deya bayonot bergan edi. Uning so‘zlariga ko‘ra, Vashington Tehrondan yadroviy dasturdan butunlay voz kechishni yana bir bor talab qilishi kutilmoqda.
