Indoneziyada ikki qozog‘istonlik o‘lim jazosiga hukm qilindi
Qozog‘istonning Jakartadagi elchixonasi hodisani o‘z nazorati ostida ushlab turibdi.
Indoneziyada Qozog‘iston fuqarolari bo‘lgan ikki shaxs giyohvand moddalarni tarqatishda gumonlanib hibsga olindi. Qozog‘iston Tashqi ishlar vazirligi ma’lumotlariga ko‘ra, ular 2025-yil aprel oyida qo‘lga olingan bo‘lib, ustilaridan 49 grammga yaqin kristall metamfetamin aniqlangan. Ayni paytda tergov jarayoni davom etmoqda, boshqa tafsilotlar ochiqlanmagan.
Qozog‘istonning Jakartadagi elchixonasi hodisani o‘z nazorati ostida ushlab turibdi va mahalliy tergov organlari hamda ayblanuvchilarning yaqinlari bilan aloqada bo‘lib turibdi. Diplomatlar Indoneziyada amaldagi qonunchilikni inobatga olib, barcha huquqiy yordam choralarini ko‘rmoqda.
Indoneziya giyohvand moddalar bilan bog‘liq jinoyatlarga nisbatan eng qat’iy qonunlarga ega mamlakatlardan biri hisoblanadi. Mamlakat qonunlariga ko‘ra, besh grammdan ortiq qayta ishlangan narkotik vosita (masalan, metamfetamin) saqlagan yoki sotgan shaxs o‘lim jazosiga hukm qilinishi mumkin. Ayni paytda Indoneziyada 530 nafar mahkum, jumladan 96 nafar xorijlik, ana shunday jazo tahdidi ostida.
