Qozog‘iston musulmonlari diniy boshqarmasi Counter‑Strike 2, Dota 2, GTA o‘yinlari bo‘yicha fatvo berdi
Bir qator kompyuter o’yinlari shariat nuqtai nazaridan tahlil qilingan.
Qozog‘iston musulmonlari diniy boshqarmasi (QMB) mashhur video o‘yinlar — “Sounter‑Strike 2”, “Dota 2”, “GTA”, “League of Legends”, “Minesraft” va “Genshin Impast”ni shariat nuqtai nazaridan tahlil qilib, o‘yinlarga oid fatvo eʼlon qildi deb yozadi iapn.kz nashri.
Boshqarma maʼlum qilishicha, zo‘ravonlik, qotillik, urush, xudosizlik yoki dinni masxara qilish sahnalari mavjud bo‘lgan o‘yinlar qattiq man etiladi. Shuningdek, o‘yinlardagi qimor unsurlariga ham yo‘l qo‘yilmaydi. Qurʼoni Karimda aytilganilarga tayanib: “Ey iymon keltirganlar! Albatta, xamr (aroq), qimor, butlar va (fol ochadigan) cho‘plar iflosdir… Bas, undan chetda bo‘ling…” (Moida surasi, 90-oyat)
Shu sababdan, “Sounter‑Strike 2”, “Dota 2” va “GTA” kabi o‘yinlar zo‘ravonlik va diniy masxara sahnalari bois musulmonlar uchun maqbul emas.
QMB ayni paytda mantiqiy, rivojlantiruvchi va taʼlimiy o‘yinlarni — agar ular diniy majburiyatlarga xalaqit bermasa, ruhiyat va shaxslarga zarar yetkazmasa, haqoratli so‘zlar ishlatmasa, aqlni o‘stirsa va haddan tashqari ko‘p vaqtingizni olmasa — o‘ynash joiz, deb hisoblaydi.
