Xomanaiy sulhdan keyin ilk bor omma oldida ko‘rinish berdi
U o‘z chiqishida xalqini g‘alaba bilan tabriklagan.
Bugun, 26 iyun kuni Eron oliy rahnamosi Oyatulloh Ali Xomanaiy Isroil bilan sulh tuzilganidan keyin ilk bor omma oldida chiqish qilib, xalqini g‘alaba bilan tabrikladi. Uning murojaati davlat televideniyesi orqali jonli efirga uzatildi.
O‘zining birinchi ommaviy bayonotida Eron oliy rahbari mamlakatining 12 kunlik harbiy mojarodagi “g‘alabasini” olqishladi. Xamanaiyning aytishicha, urushga aralashgan Amerika bunda hech narsaga erisha olmagan.
“Eron Islom respublikasi g‘alaba qozondi va urushga javoban Amerikaning yuziga shafqatsiz shapaloq urdi”, - deya qo‘shimcha qildi u.
Oyatulloh, shuningdek, Eron hech qachon taslim bo‘lmasligini aytdi. U Eronga qarshi jangovar harakatlar qayta boshlansa, AQSH harbiy bazalariga yana hujumlar uyushtirilishi bilan tahdid qildi.
Maʼlumot uchun, harbiy mojaro boshlanganidan beri Xamanaiy omma oldiga chiqmagandi.
