Janubiy Koreyada metro atayin yoqib yuborildi
67 yoshli erkak odamlar bilan to‘la vagonga o‘t qo‘ygan.
Seul metrosida 67 yoshli erkak yo‘lovchilar bilan harakatlanayotgan vagon ichida yong‘in chiqargani haqida rasmiy ma’lumot berildi. U metroning ichki qismiga yonilg‘i quyib, uni ataylab yoqib yuborgan.
Voqea oqibatida bir nechta yo‘lovchi turli darajadagi tan jarohatlari olgan, ammo halok bo‘lganlar yo‘q. Hodisa sodir bo‘lgan vaqtda vagon to‘la bo‘lgan.
Rasmiy tergovga ko‘ra, hujumni sodir etgan shaxs ruhiy salomatligida muammo bo‘lgan va u ajrashish bilan bog‘liq stressli holat sababli bu jinoyatga qo‘l urgani aniqlangan. Hozirda u huquqni muhofaza qiluvchi organlar tomonidan qo‘lga olingan va tergov harakatlari olib borilmoqda.
Janubiy Koreya rasmiylari mazkur holat yuzasidan xavfsizlik choralarini kuchaytirganini ma’lum qilgan.
