YouTube 13–15 yoshdagi foydalanuvchilar uchun cheklov joriy qiladi
Yangi tartib 22-iyuldan boshlab amal qiladi.
YouTube platformasi 2025-yil 22-iyuldan boshlab jonli efir (livestream) funksiyasiga oid yangi yosh cheklovlarini joriy etadi. Ushbu o‘zgarishlarga ko‘ra, 16 yoshdan kichik foydalanuvchilar mustaqil ravishda jonli efir o‘tkaza olmaydi.
Endilikda 13–15 yosh oralig‘idagi foydalanuvchilar faqatgina kattalar kuzatuvida va ishtirokida jonli efirga chiqish huquqiga ega bo‘ladi. Aks holda, quyidagi cheklovlar kuchga kiradi:
- Jonli chat funksiyasi o‘chirib qo‘yiladi;
- Kommentariyalar bloklanadi;
- Ayrim boshqa interaktiv imkoniyatlar vaqtincha cheklanadi.
YouTube ushbu o‘zgarish yuzasidan rasmiy izoh bermagan bo‘lsa-da, mutaxassislarning fikricha, bu chora yosh foydalanuvchilarni internet xavflaridan — jumladan shaxsiy ma’lumotlar tarqalishi, zararli virtual muloqotlar va kiber tahdidlardan himoya qilish maqsadida amalga oshirilmoqda.
