Buyuk Britaniya tarixidagi eng yirik kokain musodaralaridan biri amalga oshirildi
Ushbu narkotik moddalarining umumiy bahosi 132 million AQSh dollariga teng ekani aytilmoqda.
Buyuk Britaniya chegarachilari yaqinda tarixdagi eng yirik kokain musodaralaridan birini amalga oshirishga muvaffaq bo‘ldi. Bu haqda The Independent nashri xabar berdi. Musodara qilingan narkotik miqdori va operatsiyaning ko‘lami mutasaddilarni ham hayratda qoldirdi.
Panamadan kelgan yuk kemasi London Gateway portiga yetib kelganida, xavfsizlik xizmatlari konteynerlar orasidan 2,4 tonna kokainni aniqladi. Ushbu narkotik moddalarining umumiy bahosi 132 million AQSh dollariga teng ekani aytildi.
Ichki ishlar vazirligi bu hodisani Buyuk Britaniya tarixidagi oltinchi eng yirik kokain musodarasi sifatida qayd etdi. Ushbu yirik operatsiya bojxona xodimlari va jinoyatchilikka qarshi xizmatlar hamkorligida olib borilgan.
Rasmiylarga ko‘ra, Buyuk Britaniya Yevropadagi eng yirik kokain bozorlardan biri hisoblanadi. Shu sababli, bunday yirik yuklarni aniqlash mamlakat xavfsizligi va sog‘lom jamiyat qurish yo‘lidagi muhim qadam sifatida baholanmoqda.
