Trampning yangi qonun loyihasi Maskni g‘azablantirdi
Uning fikricha bu loyiha AQShni qarz qulligiga olib boradi.
Mashhur milliarder va Tesla asoschisi Ilon Mask AQSh prezidenti Donald Trampning yangi qonun loyihasiga nisbatan keskin tanqidlar bildirdi. Uning fikricha, loyiha davlat qarzining rekord darajada — 5 trillion dollarga oshishiga olib keladi va mamlakatni “qarz qulligi” tomon olib boradi.
"Bu tarixdagi eng katta qarz oshirilishi bo‘lib, Amerikani to‘g‘ridan-to‘g‘ri iqtisodiy halokat yo‘liga olib chiqadi", — deb yozdi Mask ijtimoiy tarmoqdagi sahifasida deydi Oxu.Az nashri.
Mask qonun loyihasini "aqldan ozgan va buzg'unchi" deb atadi. U bu tashabbus millionlab ish o‘rinlarining yo‘qolishiga, iqtisodiy strategik zararlar va kelajak texnologiyalari sohalarining inqirozga yuz tutishiga sabab bo‘lishini aytdi.
Bundan tashqari, u qonun loyihasiga nisbatan jamoatchilik fikrini aks ettirgan so‘rovnomalarni baham ko‘rdi. Natijalarga ko‘ra, amerikaliklarning yarmi mazkur tashabbus byudjet taqchilligini yanada chuqurlashtirishiga ishonmoqda.
Tramp esa o‘z navbatida, bu qonunni “Katta chiroyli qonun loyihasi” deb atab, elektr transport vositalariga soliq imtiyozlarini bekor qilmoqchi. Respublikachilar esa uni 4-iyulga qadar Senatdan o‘tkazishga shoshilmoqda.
