Bollivud yulduzining kutilmagan o‘limi
Mashhur aktrisa yoshartiruvchi muolajadan so‘ng vafot etdi.
Taniqli model va aktrisa Shefali Jarivala 42 yoshida vafot etdi. Manbalarga ko‘ra, u kosmetologik muolajadan so‘ng o‘zini yomon his qilgan va kasalxonada vafot etgan.
Jarivalaning yaqinlari aytishicha, 27-iyun kuni u doimiy ravishda foydalanib kelgan yoshartiruvchi ukolni qabul qilgan. Kechasi esa uning sog‘lig‘i keskin yomonlashib, qon bosimi tushgan, titroq kuzatilgan. Zudlik bilan shifoxonaga yetkazilgan bo‘lsa-da, shifokorlar uning hayotini saqlab qola olishmagan.
Politsiya hozircha o‘limni baxtsiz hodisa deb baholamoqda. Tergov davom etmoqda, toksikologik tahlillar natijalari esa asosiy aniqlikni kiritishi kutilmoqda.
Ma’lum bo‘lishicha, Shefali nevrologik kasallikdan aziyat chekkan va doimiy dori-darmonlar qabul qilgan. U vafot etgan kuni diniy marosim o‘tkazgani va ro‘zada bo‘lgani, bu esa dorilarning ta’sirini oshirgan bo‘lishi mumkinligi aytilmoqda.
Jarivala o‘z faoliyatini 2000-yillarda boshlagan, uning "Kaanta Laga" klipi Hindistonda haqiqiy sensatsiyaga aylangandi. Keyinchalik u Bigg Boss 13 shousida ham ishtirok etib, muxlislar mehrini qozongan edi.
